Se queredes ter un maior coñecemento da cultura do viño, descubrir a nosa adega e a nosas fincas, saber máis dos nosos viños e gozar dun momento agradable, animámosvos a visitarnos. Nas nosas visitas tentamos acercar ao visitante a paixón pola nosa viticultura e por iso o noso persoal fará que vivan unha experiencia única e especial.
Atopámonos dentro da Ruta do Viño Rías Baixas, unha iniciativa da nosa Denominación de Orixe como parte do seu labor por promocionar o enorme patrimonio vinícola das Rías Baixas.
A nosa bodega conta con diferentes certificacións de calidade turística, por exemplo a “Q de Calidad Turística”, selo que expide o Instituto de Calidad Turística de España (ICTE), ou o SICTED (Compromiso de Calidade Turística) que promove a Secretaría de Estado de Turismo (SET).
Froito do noso compromiso cun servizo turístico de calidade para todos os nosos visitantes, Señorío de Rubiós é unha adega totalmente accesible para persoas con mobilidade reducida e por iso contamos coa certificación de “Turismo Accesible” expedida por PREDIF.
A nosa adega ofrece dous tipos de visitas: unha enfocada a un público amateur que quere pasar un momento agradable, coñecendo o proceso de elaboración dos nosos viños cunha degustación final, e outra visita máis especializada que conta coa presenza do noso adegueiro e cunha cata técnica final.
O visitante pode escoller a que máis se adapte aos seus gustos e motivacións e, no caso de que prefira outro tipo de visita, faremos o posible por adaptarnos ás súas necesidades e preferencias particulares.