Contactar: +34 986 66 72 12info@srubios.com

A Nosa Terra

O Concello de As Neves está enclavado na comarca do Condado e a maior parte das súas terras están bañadas polo Río Miño aínda que tamén o atravesan outros ríos como o Termes ou o Xuliana que dan encanto a esas terras, fan florecer a súa vexetación e son fontes de vida das súas vides, que tamén crecen gracias ao amparo do Sol que acaricia dende as súas primeiras raios os seus campos e as súas hortas.

As Neves é un pequeno municipio situado ao suroeste da provincia de Pontevedra e que rolda os 4000 habitantes, repartidos en 13 parroquias, cada unha cun gran segredo por descubrir.

 

O noso Concello é rico en variedades paisaxísticas. Ríos, vales e montes compoñen un destino relaxante onde perderse durante uns días en busca da tranquilidade que demandan estes tempos modernos. As beiras do Río Miño son dunha beleza incomparable á vez que a zona montañosa fainos gozar da natureza en estado puro.

Así, se deciden acercarse ata As Neves non deben esquecer visitar o seu casco urbano ou o Monte de San Nomedio, onde descubrirán unha panorámica espectacular dos vales dos ríos Tea e Miño; a área recreativa de Santa Mariña onde ademais poderán dar un bonito paseo pola ribeira do río seguindo o Camiño dos Pescadores; visitar a Romaría de Santa Marta ou deleitarse coas esculturas do Redondelo, onde a arte se mestura coa natureza; así como camiñar polas súas parroquias, nas que se sentirán atrapados polos seus encantos e descubrirán o gran legado histórico-artístico co que contan. Proba diso son os innumerables restos arqueolóxicos atopados, tales como mámoas, petróglifos, castros, bronces romanos, pesqueiras de lampreas, pontes romanas… ademais de monumentos relixiosos (igrexas de diferentes movementos artísticos, petos de ánimas, cruceiros…).

Se As Neves é fermosa polos seus encantos paisaxísticos, non o é menos pola súa gastronomía, que deixa sen palabras a quen se acerca a probala. Destacan a lamprea, os produtos de caza e, como non, o Requeixo e a Mel, que teñen a súa festa propia. Todo isto regado, por suposto, cos mellores viños brancos (Albariño e Condado) e os tintos de Rubiós.

Atención cliente !
+34 986 66 72 12

 Email

Bouza do Rato, s/n, Rubiós

36449 As Neves

 Dirección

“SEÑORIO DE RUBIOS, SL ha sido beneficiaria del Fondo Europeo de Desarrollo Regional cuyo objetivo es conseguir un tejido empresarial más competitivo y gracias al que ha asistido a la MISIÓN COMERCIAL A MÉXICO  para fomentar su internacionalización. Esta acción se ha desarrollado en junio  de 2022. Para ello ha contado con el apoyo del Programa Internacional de Promoción (PIP) de la Cámara de Comercio de Pontevedra, Vigo y Vilagarcía de Arousa

Una manera de hacer Europa”

Srubios © 2018  All rights reserved. Terms of use and Privacy Policy